ओली सरकारबाट समृद्धिको आश गर्नु मुर्खता हो : मोहन वैद्य

बैशाख १४, २०७५ काठमाडौं : क्रान्तिकारी माओवादीका महासचिव मोहन वैद्य किरणले प्रधानमन्त्री तथा एमाले अध्यक्ष केपी ओलीको सरकारबाट समृद्धिको आश गर्नु मुर्खता भएको बताएका छ।  त्यस्तै उनले ओलीलाई राष्ट्रघाती नेता भएको आरोप लगाएका छन्।

क्रान्तिकारी युवा लिग नेपालले काठमाडौंमा आयोजना गरको एक कार्यक्रममा बोल्दै किरणले ओलीलाई राष्ट्रवादको रटान लगाउन छोड्न समेत अनुरोध गरे। ओलीले प्रधानमन्त्रीका रुपमा केही दिन अघि गरेको भारत भ्रमणमा नयाँ सन्धी सम्झौताहरु नगरको भएपनि पुराना असमान सन्धीहरुलाई कार्यान्वयन गर्ने बचन दिएर आएको आरोप वैद्यले लगाए। ‘नयाँ सम्झौता नगरेको भएपनि पुराना असमान सम्झौता कार्यान्वयन गर्ने भनेर ओलीले भारतमा हस्ताक्षर गरेर आएका छन्,’ वैद्यले भने, ‘त्यसैले उनी राष्ट्रघाती हुन्।’

ओली नाकाबन्दीका बेलामा राष्ट्रवादी देखिने कोशिश गरेको तर अहिले राष्ट्रवादको लाइन छोडिसकेको उनले बताए। ओलीले राष्ट्रवादकै रटान लगाएर चुनाव जितेको भएपनि वर्तमान सरकारले केही पनि गर्न नसक्ने बताए।  ‘यो सरकार वामपन्थीको होइन, दलाल पूँजीवादहरुको रक्षाकवज हो,’ वैद्यले भने, ‘यस्तो सरकारबाट समृद्धिको आश गर्नु मुर्खता हो।’ साथै उनले वर्तमान सरकार मजदुर मैत्री र श्रमजीवीको पक्षमा नभएको बताए। ओली सरकारसँग मजदुरहरु डराइरहेको उनले बताए।

‘अब नयाँ ढंगले क्रान्ति गर्नुपर्छ,’ उनले भने, ‘क्रान्तिको नेतृत्व क्रान्तिकारी माओवादीले नै गर्छ।’ साथै उनले अब एमालेलाई झापा विद्रोह र माओवादी केन्द्रलाई जनयुद्धको जस नलिन समेत आग्रह गरेका छन्। आफूहरु मात्रै यी विद्रोहसँग जोडिएको उनले बताए। सोही कार्यक्रममा मोल्दै अर्का नेता सीपी गजुरेलले वर्तमान सरकारले समृद्धि ल्याउन नसक्ने बताए। ‘उनीहरुले स्वेतपत्र मार्फत ढुकुटी रित्तो भएको बताएका छन्,’ गजुरेलले भने, ‘रित्तो ढुकुटीले त केही पनि गर्न सकिँदैन।’ साथै उनले सरकारले सडक आन्दोलनमा रोक लगाएको प्रति आपत्ति समेत जनाए।source:thahakhabar.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.