विधानविपरीत नचल्न देउवालाई पौडेलको चेतावनी

बैशाख १४, २०७५ काठमाडौं : नेपाली कांग्रेसका वरिष्ठ नेता रामचन्द्र पौडेलले सभापति शेरबहादुर देउवालाई पार्टीको विधान विपरित नचल्न चेतावनी दिएका छन्।

पार्टी पदाधिकारी तत्काल मनोनयन गरेर अघि बढ्ने सभापति देउवाले तयारी गरिरहेका बेला वरिष्ठ नेता पौडेलले त्यसो गर्नु विधान विपरित हुने भन्दै आपत्ति जनाएका हुन्। पार्टी केन्द्रिय कार्य समितिको शुक्रबारको बैठकमा बोल्दै उहाँले विधानसम्मत ढंगले अघि बढेमात्रै पार्टी भित्र बलियो एकता हुने धारणा पनि राख्नु भएको पार्टीका प्रवक्ता विश्वप्रकाश शर्माले जानकारी दिए।

वरिष्ठ नेता पौडेलले सभापति देउवाले पार्टीलाई न्याय, निष्पक्ष र पारदर्शी ढंगले अघि नबढाएकै कारण निर्वाचनमा अनपेक्षित हार व्यहोर्नु परेको आरोप पनि लगाए। पार्टी सुदृढ बनाउन अनुशासनको पालनामा विशेष जोड दिनु पर्ने धारणा पनि वरिष्ठ नेता पौडेलले राख्नु भएको प्रवक्ता शर्माले बताए।  वरिष्ठ नेता पौडेलले निर्वाचनमा अन्तरघात गर्नेहरुलाई छानवीन गरी कार्वाही गर्न ढिलाई नगर्न पनि सभापति देउवाको गम्भिर ध्यानाकर्षण गराएका थिए। सभापति देउवाले पार्टी भित्रको अन्तरघातका कारण २० सिट पार्टीले प्रतिनिधिसभामा गुमाउनु परेको दावी गर्दै आएका छन्। वरिष्ठ नेता

पौडेलले चुनावमा अन्तरघात गर्नेमाथि कार्वाही गर्न सभापति देउवालाई कसैले पनि नरोकेको पनि स्पष्ट पारे। बैठकमा बोल्दै नेता विजयकुमार गच्छदारले पार्टीलाई एकतावद्ध बनाएर लैजान आह्वान गरेका थिए। उहाँले पार्टी एकता गर्ने बेला भएको सहमति कार्यान्वयन गर्न पनि आग्रह गर्नु भएको प्रवक्ता शर्माले बताए। source:thahakhabar.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.