मगरात नेपाल मगर संघ अर्घाखाँचीले मनायो ३८औं एकता दिवस

जेबी दर्लामी , फागुन १५ अर्घाखाँची –

मगरात स्वायत्त प्रदेशको माग गर्दै ३८औं राष्ट्रिय मगर एकता दिवस अर्घाखाँचीमा पनि भव्यताका साथ मनाइएको छ । आज जिल्लाको सदरमुकाम सन्धिखर्कमा नेपाल मगर संघ, जिल्ला समन्वय समिति अर्घाखाँचीको मुख्य आयोजनामा सो दिवस मनाइएको हो ।

Image may contain: 3 people, including Rukendra Palunge, indoor


कार्यक्रमका प्रमुख अतिथि प्रतिनिधि सभा सदस्य तथा पूर्व उपप्रधानमन्त्री टोपबहादुर रायमाझीले जबसम्म मानिसले जातिगत, भाषिक, सांस्कृतिक, धार्मिक र भौगोलिक रुपमा मुक्ति पाउँदैन तबसम्म न त्यो जातिको विकास हुनसक्छ न त देशको विकास हुनसक्छ भन्नुभयो । उहाँले स्वायत्त शासनको प्रावधान नेपालको संविधानमै रहेको हुँदा आवश्यकता र औचित्यका आधारमा त्यसलाई कार्यान्वयन गर्न सकिने पनि बताउनुभयो ।

Image may contain: 10 people, people standing

कार्यक्रमका विशिष्ट अतिथि जिल्ला समन्वय समिति अर्घाखाँचीका प्रमुख पीताम्बर शर्माले नेपाल एक फूलबारी जस्तो भएको र यहाँका विभिन्न जातजातिहरू त्यहाँ फुल्ने फूलजस्ता हुन् भन्नुभयो । सबै फूलहरूलाई बराबर घामपानी हुनुपर्ने भन्दै उहाँले कुनै पनि जातजातिमाथि भेदभाव हुन नहुने बताउनुभयो ।

Image may contain: 9 people, people standing and indoor

नेकपा अर्घाखाँची जिल्ला कमिटि सदस्य प्रेमनारायण गैरेले सबै जातिको योगदानका कारण देशमा गणतन्त्र आएको र यो व्यवस्थालाई टिकाइराख्न पनि सबै जातिको मतैक्यता हुनुपर्नेमा जोड दिनुभयो । उहाँले नेपाल बहुजातीय, बहुभाषिक र बहुधार्मिक देश भएका कारण सबै जातिले समान अधिकार पाउनुपर्ने पनि बताउनुभयो ।

Image may contain: 17 people, people standing


त्यसैगरी नेपाली कांग्रेस महाधिवेशन प्रतिनिधि कृष्ण खनालले देशका सबै जातिको हक अधिकारका लागि आफ्नो पार्टी सदैव प्रतिबद्ध रहेको बताउँदै अब पनि सबैको अधिकारका लागि पार्टीले कुनै कञ्जुस्याइँ नगर्ने भन्नुभयो ।

Image may contain: 14 people, including Birman Raskoti Bikram IDo, Bishnuraj Belbase, Topbahadur Balal and Thakur Kumar BK, people standing


समाजवादी पार्टीका केन्द्रिय सदस्य राजु नेपालीले राज्य पुनर्संरचना आयोगकै प्रतिवेदनअनुरुप मेल खाने दस जोड एक प्रदेशको खाका आफ्नो पार्टीले अघि सारेको भन्दै नेपाल देश बहुराष्ट्र मिलेर बनेको हुनाले यो देशमा बहुराष्ट्रियताको सम्मान हुनुपर्ने बताउनुभयो ।

Image may contain: 11 people, including Bishnuraj Belbase and Topbahadur Balal, people standing

कार्यक्रममा परिवार दलका डिल्लीराज भुसालले देशमा जताततै भ्रष्टाचार व्याप्त हुनुको कारण उपल्लो पदमा रहेका राजनीतिक नेताहरू नै जिम्मेवार हुन् भन्नुभयो ।

कार्यक्रमलाई नेपाल मगर संघ, ५ नम्बर प्रदेश सचिवालय सदस्य टोपबहादुर बलाल, जिल्ला समन्वय समिति अर्घाखाँचीका उपप्रमुख ऋषिबहादुर पुलामी, शितगंगा नगर उपप्रमुख टिकाराम रेश्मी, सहायक प्रमुख जिल्ला अधिकारी विष्णुराज बेल्बासे, नेवा देजाभूका अध्यक्ष राजेन्द्र श्रेष्ठ, आदिवासी जनजाति महासंघका अध्यक्ष अशोक श्रेष्ठ, पत्रकार सहयोगी बिसी लगायतका वक्ताहरूले सम्बोधन गर्नुभएको थियो ।

Image may contain: 18 people, people standing


इन्द्र गेलाङमगरको सञ्चालन र कुसुम थापामगरको स्वागत मन्तव्यमा सम्पन्न कार्यक्रमको अध्यक्षता नेपाल मगर संघ, जिल्ला समन्वय समिति अर्घाखाँचीका अध्यक्ष नेत्र थापामगरले गर्नुभएको थियो ।

Image may contain: 2 people, people standing, people walking, crowd and outdoor

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.