प्रधानमन्त्रीको राजीनामा र पार्टी विभाजन हुन्छ भनेर मिडियाले हल्ला फैलाए – नेकपा नेता बस्नेत


सन्धिखर्क एफएम फागुन १७ अर्घाखाँची –
नेपाल कम्युनिष्ट पार्टी (नेकपा)का केन्द्रीय सदस्य तथा पूर्वमन्त्री महेश बस्नेतले मिडियाले प्रधानमन्त्रीको राजीनामा र पार्टी विभाजनको हल्ला फैल्याएको आरोप लगाएका छन् । प्रेस संगठन नेपाल अर्घाखाँचीलेसनिवार सन्धिखर्कमा आयोजना गरेको पत्रकार सम्मेलनमा बोल्दै बस्नेतले मिडियाले गलत हल्ला फैल्याएको बताए ।


प्रधानमन्त्रीको राजीनामा आउने कुरा मिडियाले उचालेको भन्दै उनले भने, ‘प्रधानमन्त्रीको राजीनामा र पार्टी विभाजन हुन्छ भनेर केही सञ्चारमाध्यमले हल्ला फैल्याएका छन् । एउटा जीवन्त पार्टीमा बहस, छलफल हुनु सामान्य हो । तर सहमतिमै सबै निर्णय हुँदै जान्छन् ।’
अध्यक्षद्वय केपी शर्मा ओली र पुष्पकमल दाहाल प्रचण्ड मिलरै अघि बढ्नुको विकल्प नभएकोमा जोड दिदै बस्नेतले पार्टी एकताको चरणमा बहुमतको निर्णय लागू नहुने बताए । उनले पूर्वसञ्चारमन्त्री गोकुल बाँस्कोटा दोषी भएमा कारबाही हुने दाबि पनि गरे ।


फरक प्रसंगमा उनले एमसिसी परिमार्जनसहित पास हुने बताए । नेकपाले गठन गरेको कार्यदलले दिएको प्रतिवेदन अनुसार सुधार गर्नुपर्ने पक्षमा सुधार गरेर मात्र एमसिसी कार्यान्वयनमा आउने बस्नेतको भनाइ रहेको छ ।


कार्यक्रमलाई सम्बोधन गर्दै राष्ट्रिय युवा संघ नेपालका संयोजक रामप्रसाद सापकोटा दीपशिखाले विगतका कुरा उठाएर पार्टीमा तिक्तता ल्याउनु गलत भएको बताए । उनले विगतलाई भन्दा पनि पार्टी एकताको आवश्यकताका आधारमा सबै पक्ष अगाडि बढ्नु पर्नेमा जोड दिए ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.